Shenjat e qarta të flirtimit...

Shenjat e qarta të flirtimit...

Flirtimi është i natyrshëm për të gjithë ne. Ju mund të mendoni se nuk dini gjë për flirtimin, megjithatë kur takoheni me dikë që ju pëlqen instinktivisht filloni të silleni ndryshe.
A ju ka tërhequr dikush që e keni takuar së fundi? A nuk mendoni se ndiheni ndryshe shumë papritur? Ndoshta, jeni ndier më e vetëdijshme për vetë trupin tuaj, ose keni buzëqeshur aq shumë sa keni ndier dhimbje në nofulla.
Shumë prekje
Prekja e njëri-tjetrit në mes të bisedës është një shenjë e qartë e flirtimit, sidomos nëse ato janë të panevojshme. Nëse miku juaj i këndshëm, gjen arsyetime për këtë, kjo është një shenjë e qartë flirtimi.
Tregon anën tende më të mirë
Në botën njerëzore përpjekjet për të bërë për vete dikë kanë të bëjnë drejtpërdrejt me përpjekjet për të treguar anën tonë më të mirë.
Gëzohet kur ju sheh
Edhe kjo është një shenjë e qartë flirtimi dhe shihet sidomos nëse takoheni me këtë person papritur në rrugë dhe takoni sytë me njëri-tjetrin. Nëse ai gëzohet shumë, kur ju takon dhe e shpreh atë gëzim, edhe pse nuk kaloni aq shumë kohë bashkë, kjo është një shenjë e qartë se ju pëlqen.
Sytë shkëlqejnë
Një nga shenjat më të mëdha të flirtimit, që mund t'i shihni te dikush, është shkëlqimi i syve. Kjo është një shenjë që nuk mund të fshihet dhe vërehet edhe me zgjerimin e syve.