Restoranti më i mirë në botë ndodhet në Girona të Spanjës

Girona (Spanjë), 30 prill - Olimpi i gastronomisë ndodhet në Spanjë, Gironë. Në podiumin e edicionit të fundit të “Restorantit më të mirë në botë”, zgjedhur nga një juri me më shumë se 800 ekspertë ndërkombëtarë për restorantet, ndodhet pikërisht restoranti spanjoll. 

Ceremonia e dhënies së çmimit është mbajtur në Londër. Një sukses ky që mban tre firma, atë të Joan, shefit të kuzhinës, Josef, kryekamarierit dhe Jordit, kuzhinierit për ëmbëlsirat. Tre vëllezër tashmë mjeshtër të kurorëzuar të kulinarisë. 

Thjeshtësi, kërkime dhe traditë, këto janë përbërësit e fitores së menusë që kanë bërë bashkë të gjithë. Spektakli i natyrës në tryezë amplifikohet dhe nga kopshti qendror i rrethuar nga vetrata të mëdha, zemra e vërtetë e restorantit. Si dhe kantina e verës, një nga më të pasurat në botë.